拍完《3日2夜》！陈庭欣劲怀念新喀里多尼亚

艺人陈庭欣（Toby）早前飞到法国于大洋洲嘅属地新喀里多尼亚，拍摄节目《3日2夜》，仲晒出唔少比坚尼照，寓工作于娱乐。不过话咁快工作就完毕，Toby返到嚟香港都好唔舍得呢个地方，晒出喺当地嘅相，见佢好写意咁望住大海，佢留言：「回到家的感觉真好！不过真的很想念NewCaledonia的海洋，新喀里多尼亚。」网民都话靓人靓景，简直睇见都想去呀！

28岁生日！《爱．回家》Warm爆为细龙太庆祝

处境剧《爱．回家之开心速递》呢个大家庭一向非常有爱，每次有演员生日，台前幕后都会齐集为佢庆生。继早前「豪仔」李泳豪获惊喜庆生吓到O晒嘴，今次就轮到「细龙太」陈伟琪（Vicky），虽然喺剧中佢神憎鬼厌，但现实中同大家感情非常好，28岁生日嘅佢又收花又收蛋糕，认真开心！

佢喺社交网上载多张生日靓相，见佢同「寻宝图」一班同事食饭庆祝，又同戏中嘅老公郑世豪及老爷罗乐林等人合照，相当热闹。Vicky留言多谢演员同事对佢嘅爱，又多谢姚莹莹专诚预备生日蛋糕，佢表示：「能够在生日正日『回家』是我的福气。多谢这个大家庭给我的温暖。现在细龙太继续开厂，继续闹人先！」

陈晓华为处女剧狂操体能　未拍已恨开第二套

港姐冠军陈晓华（Hera）出席明珠台剧集《FBI》记者会，透露即将处女下海为无线新剧《网络骗案》开工，近日积极跑步操体能，她说：「其实我都多做运动，但系体能游戏，依家又搵教练帮我操体能，每日跑半个钟头步，都算合格，第一日教练话我都扮到嘢，但起跑唔够2分钟就好吃力。」

饰演警察的她，除了锻炼体能，也要练习揸枪手势：「头先拎个道具觉得好重，唔识点样摆甫士先至似，到时会请教前辈，亦会睇番以前啲剧偷师。（日夜颠倒开工顶得顺？）唔惊，平时夜晚都瞓唔到，以前实习护士时都系咁，早上晏昼随时可以夜晚就好精神。（会唔会拍一套就怕咗？）唔会，希望一套接一套拍。」

日日要开工！车婉婉担心囝囝唔认得妈妈

艺人车婉婉嘅囝囝BBQ向来乖巧，深得网民欢心。虽然婉婉近日忙于拍摄新剧《大酱园》，不过佢都会抽空带BBQ去玩，见BBQ好叻咁爬绳网，又开心咁玩滑梯，见到囝囝玩得咁开心，婉婉都好满足：「首度面对绳网嘅大只仔BBQ先生面无惧色，表现『沙pork』，来来回回玩咗巧多次添！QMaMa在天昏地暗拍摄之际，争取到少少时间陪伴BBQ先生，非常珍惜，真系有D（啲）担心佢迟D（啲）会连MaMa都唔认得，WorkingMaMa的忧虑。」BBQ咁锡妈妈，婉婉一定唔使担心佢会唔记得佢呀！

薛世恒祝福前妻陈法拉再婚　唔避忌会约食饭

艺人薛世恒透露刚从北京工作返港，获知前妻陈法拉18号再婚，他大方送祝福：「哗！恭喜佢，我唔知边日，（传短讯畀法拉？）返到屋企传短讯畀佢，送祝福系最适合，恭喜佢！希望佢搵到幸福。」他说不清楚法拉几时返港，未知有否机会见面，他说：「如果有一日，大家喺同一个城市会联络食饭，唔会避忌，我哋真系做到朋友。」

旅行搵女友人陪　单身吴千语雪地晒长腿

艺人吴千语早前接受访问，坦言感情状况是单身，所以佢就搵咗女友人陪佢去咗加拿大旅行，佢就系ig贴咗张一件头泳装相，一向纤瘦的千语虽然身材欠奉，但胜在有一双长腿，佢留言：「Morningworld,swiperightformefreezingonicefakesmiling」当地仲系冰天雪地，千语着咁少布就出去影相，认真唔怕冻。而另一张相就与女友人在户外浸温泉，大骚玉背。最后，她更写了#justaregram及#whistlerdays的hashtag，估计系重温雪地旧相。

天后入市！林忆莲1,万购太古城两房户

又有艺人出动买砖头！乐坛天后林忆莲以1,.3万港元，购入太古城安盛台兴安阁中层D室，据了解，该单位面积约方呎，采两房两厅间隔，是次成交呎价约21,元。该单位原业主于年以万元购入上址，即持货约27年账面升值逾3.6倍。

36岁梁靖琪再婚　入纸嫁细8年小鲜肉

36岁艺人梁靖琪（Toby）同圈外男友Jonathan拍拖接近两年发展姊弟恋，感情一直相当稳定。Toby同男友日前正式入纸排期，拟结婚通知书曝光！睇番资料，Jonathan中文名叫施隽贤，报称职业系「WealthManagementSeniorManager（财富管理高级经理）」，而两人年龄相差8年！另外，两人报称嘅住址唔一样，睇嚟仲未同居！

梁靖琪喺年下嫁富二代黄敏豪，但呢段婚姻只维持咗年半，最后和平分手。之后，梁靖琪喺年被爆恋上Jonathan，而男方家底都相当唔错，梁靖琪同佢兴趣差唔多，所以非常啱Key，今次姊弟恋修收正果，真系可喜可贺！

Toby接受访问，佢话：「我很感谢您们对我的关心，我和Jon的感情由相识到现在都很稳定，所以已于去年订婚，并计划今年内会注册结婚，且由于Jon是圈外人希望以较低调形式进行。希望您们会给予我俩挚诚的祝福，多谢您们！」

做Gym都要靓！林夏薇狂操准备「复出」

艺人林夏薇近期养尊处休，早前她出席活动时已表示有不少剧集同电影找她拍摄，已经戏瘾大发。佢喺社交网上载健身片段，并发文表示：「爆汗，加油！为新工作努力。」看来已开始为新工作做足准备。

见佢先喺健康球上用力推，然后又走去拉绳做锻炼，拎住个哑铃操到满头大汗，真系绝不欺场落足功夫。粉丝大赞佢素颜做运动颜值依然高企，又赞佢做运动都保持美态，连套运动衫都靓过人！

猷君涂鸦出事！澳文化局：要看业权人是否追究

赌王何鸿燊四房儿子何猷君，早前与女友奚梦瑶参加内地综艺节目《爱的时差》，猷君带了女友到澳门文物建筑「恋爱巷」的墙壁上涂鸦示爱，网上疯传片段，指涂鸦行为可能触犯法律。何猷君日前已在网上发文道歉，指拍摄时：「没思考太多，看到墙上已经有很多其他的留字就跟着写上去了。没有谨慎思考并决定做出不正确的行为是本人的错误。」并表示会承担责任及配合调查。

澳门文化局方面亦作出回应，指年11月曾经接获节目的拍摄申请，并指「恋爱巷」是节目拍摄场景之一，但并无提及到有关墙上涂鸦的安排。文化局方面续表示涉事墙身所属建筑物并非文物建筑，是属于私人业权，但位处世界文化遗产的缓冲区范围内。文化局表示将会主动与建筑物的业权人沟通。有关涂鸦行为的责任，将由建筑物业权人决定是否作出追究。文化局呼吁游客和市民都不要任意涂鸦。

朋友介绍笋盘　陈炜月底公布好消息

艺人陈炜、森美、庄思敏及庄思明到中环出席美容中心分店开幕，陈炜的连身裙腰间透视一片相当性感，她笑言因要配合喜庆场面。

她又透露将出发台湾拍摄综艺节目《如果这样生活》，会在当地体验生活，并分享个人经历，问到会有甚么惊喜环节？她说：「我嗰部分同一个舞者有关，我都要即刻学跳舞，呢种舞系欧洲嗰边嘅，我未接触过，都几新鲜。」

讲到之前曾与前夫在台湾生活，问会否介意分享感情事？她说：「都预咗会（分享）。（特别感触？）或者会，话晒生活过。（会唔会感触到喊？）唔知呢！等大家捕捉。（今次会唔会约前夫？）唔会喇！行程都好密。」她表示返港后要补拍《法证先锋IV》，但未知场口有多少，问会否心急识新男友？她笑说：「都打算去搵，有朋友话介绍，但之前太忙，之后应该会好啲，可以约下。（有冇对象？）未有，但朋友话有啲潜质股，我未识嘅。（你要咩条件？）唔知呀！可能月底再有新消息同大家讲。」

预览时标签不可点收录于话题#个上一篇下一篇